TIMU YA SIMBA YAINGIA SUDAN KWA KISHINDO LEO

Msafara wa Simba uliondoka jana mchana kwenda Sudan kupitia Nairobi, Kenya tayari kwa mchezo wa marudiano wa Kombe la Shirikisho dhidi ya Al Ahly Shandy baada ya kukwama kuondoka kutokana na majambazi kuvunja na kuiba katika ubalozi wa Sudan.

Juzi usiku majambazi walivunja sefu ya kuhifadhia fedha na kuiba zaidi ya dola 40,000 ubalozini hapo pamoja fedha nyingine pamoja na kuiba kompyuta zote zinazotumika kuhifadhia kumbukumbu mbalimbali.

Kutokana na hali hiyo, Simba walikwama kupata viza zao. Jana  na saa 10:00 waliondoka kwenda Sudan kupitia Nairobi ikiwa na wachezaji wote wa timu hiyo.

Kwa sasa Simba wameshawasili  Sudan na wanajiweka sawa kwa ajili ya mechi hio ambayo wanahitaji sare ya namna yoyote ili waweze kusonga mbele.